Rauðka

Kvikmyndin Jón og séra Jón hefur slegið rækilega í gegn á klakanum síðastliðnar vikur en myndin vann áhorfendaverðlaun Skjaldborgarhátíðarinnar sem kölluð er Einarinn. Myndin verður sýnd í Rauðkubíói laugardaginn 5. október klukkan 21:00.

Steinþór Birgisson gerði myndina og tók það hann sjö ár að vinna hana en myndin fjallar um hina sérkennilegu persónu Jóns sem er einmana bóndi og prestur á Vestfjörðum með sókn sem telur 47 manns.

Sóknarbörnunum líkar illa við prest sinn og ekki alltaf að ósekju, þarsem hann er sérlundaður. Þau bola honum á brott og að mati Jóns og séra Jóns er það vegna girndar í hlunnindin sem jörðinni hans fylgja.

Af myndinni að ráða virðist það samt ekki vera eina ástæðan.