Rauðka

Hannes Boy Café býður ykkur innilega velkomin á einn sérstæðasta veitingastað á Íslandi.

Staðurinn er einstaklega vel staðsettur við smábátahöfnina á Siglufirði og geta gestir hans því notið útsýnis yfir höfnina og fylgst með sjómönnum landa afla af trillum sínum sem síðar gæti ratað á diska gestanna. Á góðviðrisdögum er einnig hægt að sitja úti við Hannes Boy og njóta matar og drykkja í enn meiri nálægð við smábátahöfnina.

Markmið Hannes Boy Café er að veita viðskiptavinum sínum einstaka upplifun með hágæða mat og framúrskarandi þjónustu á hagstæðu verði. Hannes Boy notast eingöngu við ferskt hráefni sem einvala lið matreiðslumanna og þjóna útbúa og bera fram.

Hannes Boy dregur nafn sitt af látnum sjóara frá Siglufirði sem hélt mikið til við smábátahöfnina. Hannes var í miklu uppáhaldi hjá Siglfirðingum og barngóður mjög en viðurnefnið fékk hann við einkunnarorð sín „BOY“.